孫越(演員) | 全台葬儀社評價

逝世[編輯]...2018年5月1號晚9點56分，孫越因敗血症併發多重器官衰竭，喺台大醫院離世，享年87歲。...逝後20個鐘內火化，骨灰安厝慈恩園。

孫越（1930年12月15號—2018年5月1號）[1]，原名孫鉞，係台灣男演員、中華民國陸軍裝甲兵、中華民國總統府國策顧問、終身志願工作者。佢喺浙江省餘姚縣出世，曾經參與多部電影嘅演出，主持公共電視節目《孫叔叔說故事》而被稱為「孫叔叔」。1989年宣佈退出商業演出，全力投入慈善活動，只從事義務性、公益性演出，包括節目主持、宣導廣告等。第20屆金馬影帝。代表作品有《揚子江風雲》、《搭錯車》、《群龍戲鳳》等。

1959年同老婆結婚，兩個人有一仔、一女（孫向瑩）。

孫越16歲投身軍旅，並喺嗰年開始食煙，考入中國青年軍208師後，於1949年隨中華民國國軍到台灣，並加入裝甲兵「水牛劇團」，從此開始演藝生涯。1962年，參演首部電影作品《白雲故鄉》，之後多扮演反派角色。1969年以《揚子江風雲》一片獲得第7屆金馬獎最佳男配角。

除咗電影演出，孫越亦係台灣電視公司嘅基本演員，參演台視嘅多套連續劇。自從同張小燕喺台視綜藝節目《銀河璇宮》演出短劇後，改走諧星路線；其後更主持台視綜藝節目《錦繡年華》同主演台視短劇綜藝節目《小人物狂想曲》，造成轟動。1981年，孫越離開台視，專心電影演出，並同陶大偉合唱〈朋友歌〉，讓演藝生涯又更上一層樓；同年，陶大偉帶孫越到教堂做禮拜，孫越受到基督耶穌感召，受洗成為基督徒，成功戒咗卅幾年嘅煙癮，[2][3]並首度參加公益活動──即《宇宙光雜誌》發起嘅「送炭到泰北」、「送炭到蘭嶼」等活動。[4]此後，孫越獻身於傳播福音以及公益活動。

1983年，孫越以虞戡平導演嘅電影《搭錯車》奪得第20屆金馬獎最佳男主角。

1989年8月22號，孫越拍完電影《兩個油漆匠》後，召開「只見公益，不見孫越」記者會，宣佈退出演藝界，只從事義務性演出，規定自己一年八個月必須用於社會慈善工作。

1992年10月22號，中華社會福利聯合勸募協會召開第一屆第一次理監事會議，孫越...